Молитва вдовы о защите. Составлена равноапостольной княгиней Ольгой

Молитва вдовы о защите

Составлена равноапостольной княгиней Ольгой

О премилостивый Господи Боже мой Иисус Христос, прилнедуша моя по Тебе, и мене прият десница Твоя: приклони ухо Твое комне и услыши молитву мою. И дай ми путь обрести, имже ми получу угодити Тебе: бо жажду источника спасения.

Помощник ми буди и не остави мене, Боже Спасителю мой, яко Отец мой и мати моя остависта мя, и супруга лишена бых; от него же единаго сына прижих, и той непокорен и неверен, такоже и людие неверии.

Ты же, Господи, едину мя на упование сил призвал еси.

Аз же, Господи, на милость Твою уповах и на пучину щедрот Твоих надежду душа моя возлагаю и, к Тебе прибегая, молюся; научи мя творити волю Твою и спаси мя от рода сего строптивого, множества неверных людей.

Аще они заблудили суть от Твоея благодати, но Ты, Владыко, человеколюбия Своего ради, не презри их, но посети и в разум призови, и своему познанию приведи.

Якоже и от мене древле учюженую присвоил еси достоянию Твоему, тако, Господи, и люди сия, болящая неверием, исцели благоверием и, к Себе обратив, привлецы, да и ти, некогда просвещении Тобою бывше, прославят имя Твое Пресвятое Отца и Сына и Святаго Духа в род, и в роды, и вовеки.

Молитва святителя Димитрия Ростовского

Да ничтоже мя отторгнет, да ничтоже мя отлучит от Божественныя Твоя любви, о Боже мой! Да ничтоже пресечет, ни огнь, ни меч, ни глад, ни гонение, ни глубина, ни высота, ни настоящая, ни будущая, точию едино сие да пребудет в душе моей выну. Ничтоже ино да возжелаю в веце сем, Господи, но день и ночь взыщу Тебя Ч Господа моего: и да обрет, вечное сокровище приму, и богатство стяжу, и всех благо сподоблюся.